مولود جديد
هاذي حكاية واحد شاب جاي للدنيا وسمو يزيد
شاب صغير عايش عذاب ايحس بيه حتى لحديد
قالي رحت ليها خطاب وقلت معاها نكون سعيد
خطبتها وكتبنا لكتاب وعملتلها كل ما تريد
أو ما كنتش داير حساب لما تعرف راني مريض
تخليني فلوقات صعاب وتكمل عليا وتزيد
وفوجهي تغلق الباب تخليني وتروح بعيد
ونبقى نجرع في لعذاب بين ربع حيطان وحيد
في يدي رافد كتاب ونقرى القرآن المجيد
وندعي فالله التواب و الفعال لما يريد
ايخفف عليا لعذاب راه الشفا عندو فالايد
وسبحانو اذا كان حاب عليه الامر ماهوش بعيد
اما ايلا كتبها فكتاب وكان لازم عليا نزيد
نصبر و المومن مصاب والبنادم ماهوش حديد
نشالله في يوم الحساب يوم الوعد والوعيد
نلقى ذنبي كامل ذاب كيما يذوّب الجليد
المهم انسبب لسباب نسعى اوما نحطش الايد
ممكن نلحق لكاش باب ونلقى الحل الي يفيد
ممكن نلقى واحد حاب يكون عندو حساب بريد
ايتبعو حتى للتراب ويبقى يتضاعف ويزيد
وعليها عملت فلحساب قلت نقصد قصة وقصيد
ممكن كاش واحد ينصاب باش نكون مولود جديد
ارجوا ان تعجبكم فهي بالهجة الجزائرية