مـنـتـدى الاســيـل
مرحبا بك عزيزي الزائر
نرجوا منك قضاء وقت ممتع معنا
و ذلك بالتجسيل معنا


مرحبا بكم في منتدى الاسيل
 
الرئيسيةالبوابةاليوميةس .و .جبحـثالأعضاءالمجموعاتالتسجيلدخول

شاطر | 
 

 التكبر

اذهب الى الأسفل 
كاتب الموضوعرسالة
لونا الجميلة
عضو جديد
عضو جديد
avatar

عدد المساهمات : 40
نقاط التميز : 3117
السٌّمعَة : 14
تاريخ التسجيل : 25/03/2010
احترام قوانين المنتدى : 100/100
اوسمة : العضو المميز
الموقع : في قلب الحياة.

مُساهمةموضوع: التكبر   الخميس أبريل 01, 2010 5:33 am

[ندعوك للتسجيل في المنتدى أو التعريف بنفسك لمعاينة هذه الصورة]
التكبر

بسم الله ...جل جلالو سبحانو على كل شي قادر

فهاذ الدنيا كلش ديالو او لبنادم ما هو إلا عابر

عابر سبيل ماشي فحالو وقدما يمشي يزيد يكبر

حتى نهار يلحق أجلو يخلي كل شي يروح ويغادر

اذا الواحد ربي عطالو عقل وفضل وجعلو بشر

وامر الملائكة تسجدلو الا ابليس ابى وتكبر

ولما تكبر ربي لعنو وجعلو عبرة تعتبر

باش ما نعملوش بحالو والي عطالو ربي يشكر

جعلو غني ولا جعلو حاكم يحكم في وحداخر

لازم عليه يرد بالو ويشوف هاذ الدنيا ماللخر

ما يعرفش شحال بقالو بلاك عام و بلاك شهر

ولا بلاك ما بقى والو وهو ماهوش جايب خبر

وهي راهي قدام رجلو تستنى غير يجيها الامر

واذا كــــــان لحق اجلو راهي ما تسقسي ما تشاور

ما يعرفش منين تخرجلو وتجبدو لداخــــــل الشبر

الي فيه ربــــــــي يسألو فهاذ الدنيا وش كان داير

اذا كــــــــان الله اعطالو يســـألوا ايلا كان وشكر

ويلا كـــــــــان الله نحالو يســـألو اذا كــــان صبر

كيـــما كان صبر رسولو سيـــدنا محمد خير البشر

صلى الله عليه وعلى اهلو في هــــاذ الدنيا ذاق المر

كــــان يتيم ما عندو والو من يّــد ليــــّد حتــــى كبر

رعى لغنم ومــاشي ديالو كـــان للناس يرعى ويتاجر

حتى نهــــار ربي وحالو وخبرو انو سيــــــــد البشر

الي ما كــان حاجة بحالو سيدنا محمد كـــــان قــــادر

يدعـي الله يزيد في مالو كيما كــــانو كسرى وقيصر

ويزيد يحكم العــالم بكمالو وفي كل مكان يجعلّو قصر

او يجعللو الشمس فشمالو وفي يمينـــو يجعللو لقمر

هو بالعكس ما طلـب والو من غير انو يهـدي ويبشر

ويعلّم النــــاس الي جهلوا ويوريــلهم الخيـــر والشر

والعز والخيــر بالنسبة لو رايح يلقـاهم فالعــالم لاخر

ابن الخطـــاب مرة ســـألو كي شافو راقد عالحصـاير

ظهرو مجروح دموعو سالو وقالّو بالله غير راني حاير

كيفاه لملوك راهم يتكسلوا الخير عليهم ســــاير داير

عزّهم انت الي تستــــاهلو يا رسول الله تستهــل كثر

لتما سيدنا محمـــــــد قالّو أومآ ترضى يــــــــــا عمر

انهم هوما فالدنيا يتكسلوا واحنا نتنعموا فالعالم لاخر

من هاذ الدنيا ما ادى والو كان في كرشو يربط لحجر

مكثر الجوع وما يقول والو ديما شاد فربي وصابر

وحامدو سبحانو على ماعطالو وراضي بالقضاء والقدر

بالرغم مالشرف الي نالو على الناس عمرو ما تكبر

اذا ما قدرتش تديرو بحالو على الاقل لازم تصبر

فهاذ الدنيا ما يدوم والو مدام مادامش لوحداخر

والواحد الي ربي عطالو وعلى الناس يبدى يتكبر

حاسب خلاص مكاش بحالو والي يشوفو يقولو وخر

هاذ البنادم درك انا نسألو قبل ما يسألو رب البشر

وين هو فرعون بكمالو الي فالأرض طغى وتجبر

ياك خلاّه عبرة لمثالو مقيوس في وسط البحر

وين دقيوس الي عطالو الفضة والذهب بالقناطر

الراجل مات راح فحالو ومالو كلاه الزمان والظهر

وين قوم لوط الي فعلو فعلة ما فعلها وحداخر

ياك قلّب عليهم جبالو وما زاد بان عليهم خبر

وين قارون ، وين مالو الي فحوايجو زاد شبر

ياك ربي سبحانو بعثلو غير ناموسا قتلاتو فاللخر

وين الناس الي صالو وجالو وينو كسرى وينو قيصر

وينو ابا جهل وجهلو ياك قتلوه زوج مصاغر

هاذو كامل ما اداو والو من غير الذنوب وفعل الشر

وما كانش فيهم الي صحلو كثر من قبر شبر في شبر

المتكبر ما يحسش بفعلو وشايف روحو خير موحداخر

والناس بالنسبة ليه والو وتلقاه يتكبر عليهم ويحقر

ونفس الشي يعاود يصرالو يوم القيامة لما يتنحشر

وسط النمل والناس ما تحسلو وتعفسو بلا ما تجيب خبر

ويجي الملاك للنّار يدخلو وهو خايف او يتكركر

ونادم ولتم الملاك يسألو ما سلككم في سقر...

يقولّو ماكناش نصلو ونخلو الناس بايتين للشر

على الناس كنا نطّاولو والندامة ديما تجي مع اللخر

علاش ماشي خير نحاولو كل واحد يحمد ربي ويشكر

ويكبر الله على ما عطالو وما يتكبرش على وحداخر
cheers cheers cheers cheers cheers
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://nanou.ibda3.org/
Admin
Admin
Admin
avatar

عدد المساهمات : 387
نقاط التميز : 5043
السٌّمعَة : 58
تاريخ التسجيل : 10/02/2010
احترام قوانين المنتدى : 100/100
اوسمة : العضو الاول
العمر : 25
الموقع : في قلب حبيبتي

مُساهمةموضوع: رد: التكبر   الخميس أبريل 01, 2010 5:35 am

رووووووووووووووووعة لونا
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو http://al-aseel.yoo7.com
احلى بنات
نائبة المدير
نائبة المدير
avatar

عدد المساهمات : 113
نقاط التميز : 3218
السٌّمعَة : 38
تاريخ التسجيل : 16/03/2010
احترام قوانين المنتدى : 100/100
اوسمة : الاداري المميز
العمر : 22

مُساهمةموضوع: رد: التكبر   الثلاثاء أبريل 13, 2010 8:46 am

شكرا للك لونا والمتكبر لابد في يوم من الايام ويجلو واحد ويكسرلو خشمو العالي
الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
 
التكبر
الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
مـنـتـدى الاســيـل  :: منتديات الدردشة و التعارف :: رسائل و خواطر شعرية....... للاعضاء-
انتقل الى: